გორის საკრებულოს თავმჯდომარის მრჩეველი ირაკლი ოქრუაშვილი ქალაქის მერს ზურაბ ჯირკველიშვილს ,,დინოზავრების პერიოდის გადმონაშთს” უწოდებს.
გორის მუნიციპალიტის საკრებულოს სხდომაზე ქალაქის მერმა ირაკლი ოქრუაშვილის ინიციატივებს წინააღმდეგობა გაუწია. კერძოდ, საქმე ეხება ქალაქში ლომჭაბულის ძეგლის სიახლოვეს ახალი ბაზრის მოწყობას, რასაც მერი და დეპუტატების ნაწილი ეწინააღმდეგება. უმრავლესობის გადაწყვეტილებით საკითხი დღის წესრიგიდან მოიხსნა.
"ქალაქის მერი არის იურული პერიოდის გადმონაშთი. მარტივად რომ ვთქვა, ეს არის დინოზავრების პერიოდი. ის არ ცხოვრობს ამ ქალაქში. მოწყვეტილია რეალობას, საერთოდ წარმოდგენა არ აქვს რა ხდება გარეთ, მაგრამ ერთი რამ მინდა ვთქვა, მის კისერზე "დამოკლეს მახვილი" უკვე დადებულია. უნდა აირჩიოს, ან გამოვა კაბინეტიდან, გავა ქალაქში და გაინძრევა, ან მის კისერზე "დამოკლეს მახვილი" დაეშვება და მისი თავი ქალაქში გაგორდება. მისი არჩევანია რომელს გადაწყვეტს", - განაცხადა ოქრუაშვილმა სხდომის დასრულების შემდეგ.