,,იმ ადამიანების თანამდებობებზე ყოფნა, ვინც დაკავშირებული არიან პირადი ცხოვრების ამსახველ ჩანაწერებთან, საფრთხისშემცველია ქვეყნის უსაფრთხოებისთვის“, - ამის შესახებ ,,ახალგაზრდა იურისტთა ასოციაციის თავმჯდომარე ანა ნაცვლიშვილმა დღეს გამართულ პრესკონფერენციაზე განაცხადა, სადაც კამპანია "ეს შენ გეხებას" წარმომადგენლებმა სამართალდამცველი უწყებებიდან სისტემურ დანაშაულში მონაწილეტა გატავისუფლება მოითხოვეს.
"ადამიანები, რომლებიც ამ დანაშაულს ჩადიოდნენ, სამწუხაროდ, კვლავ რჩებიან სამართალდამცველ სისტემებში და მათი მუშაობა არის სერიოზული საფრთხისშემცველი არამხოლოდ ადამიანის უფლებების დაცვისთვის, არამედ ამ ქვეყნის უსაფრთხოებისთვის. კამპანია "ეს შენ გეხებას" ერთ-ერთი მოთხოვნა არის ისიც, რომ ადამიანები, რომლებიც ამ საზარელ დანაშაულში იყვნენ ჩართულნი, დღეს სისტემაში აღარ უნდა მუშაობდნენ", - განაცხადა ნაცვლიშვილმა.
მისივე თქმით, ამ ტიპის დანაშაულის გამოუძებლობა და მისი დაუსჯელობა არის წამახალისებელი ფარული ჩანაწერების გავრცელებისათვის.
დღესაც არსებობს ეჭვები და ხშირ შემთხვევაში კონკრეტული პირების განცხადებები, რომ კვლავ მათაც უსმენენ, უთვალთვალებენ და არიან შანტაჟის ქვეშ. გარდა იმისა, რომ ამ დანაშაულის გამოძიება უნდა მოხდეს, სანამ გამოძიება მივა ლოგიკურ დასასრულამდე, ძალიან მნიშვნელოვანია პროკურატურა გარკვეული პერიოდულობით საზოგადოებას აწვდიდეს სრულ ინფორმაციას, რა პროგრესია სისტემური დანაშაულის გამოძიებაში", - დასძინა ნაცვლიშვილმა.
კამპანია "ეს შენ გეხებას" წარმომადგენლები ასევე მოითხოვენ საქართველოს მთავარი პროკურორის გადადგომას.
