კამპანია "ეს შენ გეხება" მთავარი პროკურორის გადადგომის მოთხოვნაზე განმარტებას აკეთებს. კამპანიის წევრმა, "საერთაშორისო გამჭვირვალობა საქართველოს" აღმასრულებელმა დირექტორმა ეკა გიგაურმა დღეს გამართულ პრესკონფერენციაზე განაცხადა, რომ ირაკლი შოთაძემ ვერ შეასრულა ვალდებულება, გამოიძიოს პირადი ცხოვრების ამსახველი ჩანაწერების საქმე.
,, მოვისმინეთ დღევანდელი განცხადება, რომელიც ეხებოდა მთავარი პროკურორის გადადგომის საკითხს. ჩვენ ამას ვითხოვთ იმიტომ კი არა, რომ გამოძიება არაეფექტურია კონკრეტულ ერთ ფაქტთან დაკავშირებით, რომელიც შეეხება კადრების გავრცელებას, არამედ ამ კონკრეტული პირის პოლიტიკური პასუხისმგებლობის საკითხი უნდა დადგეს იმიტომ, რომ მისი ვალდებულებაა ასეთი ტიპის დანაშაულები გამოძიებული იყოს და მან ეს ვერ გააკეთა", - განაცხადა გიგაურმა.
კამპანია "ეს შენ გეხებამ" მთავარი პროკურორის გადადგა გუშინ მოითხოვა. პროკურატურაში განმარტავენ, რომ ფარული კადრების საქმეზე გამოძიებასთან დაკავშირებით, უწყება მაქსიმალურად მუშაობს.
