კრწანისის გამგეობა ძველ თბილისში ავარიული სახლების კაპიტალურ შეკეთებას განაგრძობს. თანადაფინანსების პროექტის ფარგლებში, კონსტრუქციული ელემენტების გაძლიერების სამუშაოები უტარდება ლადო ასათიანის ქ.N20-ში მდებარე საცხოვრებელ სახლს. მიმდინარეობს საძირკვლისა და შუა კედლის გამაგრება ფოლადის გარსაკარით.
შემდეგ ეტაპზე დაიწყება სახლის დაზიანებული ფასადის მოპირკეთება. სამუშაოების დასრულების შემდეგ, შენობას შენარჩუნებული ექნება პირველადელი სახე, რომელიც მიესადაგება იმდროინდელ არქიტექტურულ სტილს. ასათიანის ქუჩაზე იმყოფებოდა კრწანისის გამგებელი, გიორგი კოპალეიშვილი სამუშაო პროცესს გაეცნო და ადგილობრივ მოსახლეობას შეხვდა. სარემონტო სამუშაო ასათიანის ქუჩაზე ერთი თვის წინ დაიწყო და ივნისში დასრულდება. აღნიშნულ სახლში 14 ოჯახი ცხოვრობს.
