31 მარტს, 18 საათზე, გაიმართება რადიო "თავისუფლების" პროექტის „თავისუფლების დღიურების“ მეათე წიგნისა და მისი ავტორების მონაწილეობით გადაღებული დოკუმენტური ფილმის პრეზენტაცია.
პროექტის ფარგლებში სხვადასხვა პროფესიისა და ასაკის, განსხვავებული შეხედულებების ცნობილი თუ ნაკლებად ცნობილი ადამიანები ერთი კვირის განმავლობაში აწარმოებენ ჩანაწერებს, რომლებიც ყოველი წლის დასაწყისში წიგნად იკინძება და ერთგვარად აჯამებს განვლილ 365 დღეს.
„თავისუფლების დღიურები 2015“-ს, ისევე, როგორც მის ყოველ წინამორბედს, 52 ავტორი ჰყავს, ათი წლის განმავლობაში კი 520 დღიურია დაწერილი.
პრეზენტაცია გაიმართება საქართველოს მწერალთა სახლში (ივანე მაჩაბლის #13).