სრულიად საქართველოს მუსლიმთა სამმართველოს ყოფილი შეიხი სახელმწიფო უსაფრთხოების სამსახურს ზეწოლაში ადანაშაულებს. ,,რუსთავი 2” -ის ინფორმაციით, ვაგიფ აქპეროვი კონკრეტულ ფაქტზე საუბრობს და აცხადებს, რომ 2013 წელს თანამდებობა საკუთარი სურვილით არ დაუტოვებია და ის სუს-ის წარმომადგენლებმა აიძულეს ეს გადაწყვეტილება მიეღო.
”ხელმძღვანელობასთან, სადაც შემიყვანეს, ჩანდა, რომ მაღალჩინოსანია, რომ დავჯექით პირველი მითხრა, რომ ხვალიდან შეიხი არა ხარ და მეორე თანამშრომელმა მითხრა, მერე რა ახლა მიშა წავიდა და ხელისუფლება შეიცვალა და შენ რომ წახვიდე რა იქნება. გამიკვირდა და მითხრეს ნუ გეშინიაო, სამსახურს მოგცემთ და თანამდებობას, ხელფასს, მანქანა და ასე შემდეგ. მაგრამ უნდა გადახვიდეო. როცა ვთქვი, რომ არ დავწერდი, მაშინ მუქარა იყო, პირადი ცხოვრების კადრებით დამემუქრნენ“, - განაცხადა სრულიად საქართველოს მუსლიმთა სამმართველოს ყოფილი შეიხმა ვაგიფ აქპეროვმა.
