გარემოს ეროვნული სააგენტო 28 მარტიდან 3 აპრილამდე პერიოდის განმავლობაში, საქართველოში მოსალოდნელი ამინდის შესახებ ავრცელებს ინფორმაციას.
„28 – 29 მარტს საქართველოში მოსალოდნელია წვიმა, მაღალ მთაში თოვლი, 29 - ში ზოგგან ძლიერი. მაღალმთიან რაიონებში ზოგან შესაძლებელია ქარბუქი. იქროლებს დასავლეთის ძლიერი ქარი. ჰაერის ტემპერატურა 29 მარტს +5, +10° - მდე დაიკლებს.
30 – 31 მარტს ნალექი შენარჩუნებული იქნება ზოგიერთ რაიონში. ჰაერის ტემპერატურა +9, +14° - ია მოსალოდნელი.
1 – 2 აპრილს გამოიდარებს და დათბება +16, + 21° - მდე“, - აცხადებენ გარემოს ეროვნულ სააგენტოში. მათივე ინფორმაციით, 3 აპრილს კვლავ გაწვიმდება და შედარებით აცივდება.
