თბილისის მერის დავით ნარმანიასა და ფინანსთა მინისტრ ნოდარ ხადურის გადაწყვეტილებით, სამების საკათედრო ტაძრის ახალგაზრდული ცენტრის შენობაში ხანძრის დროს დამწვარი სტამბის აღსადგენად, სამუშაო ჯგუფი შეიქმნა.
მერიის ცნობით, აღნიშნული ჯგუფი დაზიანებული ტერიტორიისთვის მიყენებული ზარალის ოდენობას შეისწავლის და მისი რეაბილიტაციისთვის შესაბამის ხარჯთაღრიცხვას წარადგენს.
„თბილსერვის ჯგუფმა“ აღნიშნული ტერიტორიის დასუფთავება უკვე დაასრულა. სამების საკათედრო ტაძრის ახალგაზრდულ ცენტრში, სტამბის ტერიტორიაზე ხანძარი 20 მარტს გაჩნდა" - ნათქვამია მერიის განცხადებაში.