ნაძალადევის რაიონში სპორტული მოედნების სარეაბილიტაციო სამუშაოები აქტიურად მიმდინარეობს. ერთი თვის განმავლობაში რაიონის კიდევ 10 სტადიონს დაუბრუნდება ფუნქცია. სარეაბილიტაციო პროექტის ფარგლებში მოედნებზე მიმდინარეობს ხელოვნური მწვანე საფარის დაგება, იცვლება კალათბურთის ფარები და ფეხბურთის კარები. არსებული ლითონის კონსტრუქციები იცვლება ახალი, თანამედროვე ლითონისა და პლასტმასის შერეული კონსტრუქციებით.
მიმდინარე წელს სამუშაოები უკვე დასრულებულია 3 სპორტულ მოედანზე. ამ დროისათვის 3 სტადიონის რეაბილიტაცია მიმდინარეობს, უახლოეს დღეებში დაიწყება 4 სპორტული მოედნის აღდგენა. პროექტების საერთო ღირებულება 192 243 ლარია.
