თავდაცვის მინისტრმა თინათინ ხიდაშელმა საქართველოში ევროკავშირის საელჩოს სამძიმრის წიგნში ჩანაწერი დატოვა.
თავდაცვის მინისტრმა საქართველოში ევროკავშირის ელჩს იანოშ ჰერმანს მიუსამძიმრა 22 მარტს, ბრიუსელში მომხდარი ტერორისტული აქტის შედეგად გარდაცვლილი უდანაშაულო ადამიანების დაღუპვის გამო.
როგორც ცნობილია, 22 მარტს, ბრიუსელში მომხდარი ტერაქტის შედეგად დაიღუპა 34 და დაშავდა 170 მშვიდობიანი მოქალაქე.
თინათინ ხიდაშელმა იმავე დღეს გამოხატა თავისი პოზიცია ტერორიზმის წინააღმდეგ ერთად დგომისა და ბრძოლის თაობაზე, რომელსაც თავისუფალი სამყაროს ერთადერთი არჩევანი უწოდა.
