საზოგადოებრივი მაუწყებელი აკა მორჩილაძის 10 სცენარის მიხედვით, საზოგადოებრივი სატელევიზიო მხატვრული ფილმების გადასაღებად, რეჟისორების შერჩევას იწყებს.
18 -დან 25 მარტამდე ვებ გვერდზე www.1tv.ge განთავსდება სპეციალური
აპლიკაცია, რომელიც შერჩევაში მონაწილეობის მიღების მსურველებმა უნდა შეავსონ.
საუკეთესოებს გამოავლენს სპეციალურად შექმნილი კომისია, რომლის შემადგენლობაშიც არიან:
- საზოგადოებრივი მაუწყებლის კრეატიული ბლოკის დირექტორი სერგი გვარჯალაძე
- ტელეფილმების მიმართულების ხელმძღვანელი გიორგი ვასაძე
- დოკუმენტური სტუდიის ხელმძღვანელი კოტე ჯანდიერი
- კინომცოდნე ლელა ოჩიაური
- რეჟისორი დავით ჯანელიძე
შერჩევა ჩატარდება 2 ეტაპად. მონაწილეობის მიღება შეუძლია ყველა რეჟისორს, რომელსაც აქვს კინორეჟისორის დიპლომი.
შერჩევის საბოლოო შედეგები გამოცხადდება 2016 წლის 29 აპრილს.
„დღეები და ღამეები“
საზოგადოებრივი მაუწყებელი იწყებს ახალ პროექტს - აკა მორჩილაძის სცენარების მიხედვით იქმნება ფილმი-სერიალი. ერთ იდეაში გაერთიანებული ათი სხვადასხვა ამბავი, ათი დამოუკიდებელი სერია.
აკა მორჩილაძის სცენარების მიხედვით შექმნილი ფილმი-სერიალი შედგება ათი სხვადასხვა სიუჟეტისგან. შესაბამისად, ათი დამოუკიდებელი სერია ათ სხვადასხვა ამბავს მოგვითხრობს. სცენარებში ძირითადად ასახულია 1960-90 წლების საზოგადოების ყოფა-ცხოვრება. თითოეული სერიის ქრონომეტრაჟი 45-52 წუთია.
საზოგადოებრივი მაუწყებელი აცხადებს კონკურსს კინორეჟისორებისთვის. გამარჯვებულებს გამოავლენს სპეციალურად შექმნილი კომისია, რომლის შემადგენლობაშიც არიან:
- საზოგადოებრივი მაუწყებლის კრეატიული ბლოკის დირექტორი სერგი გვარჯალაძე
- ტელეფილმების მიმართულების ხელმძღვანელი გიორგი ვასაძე
- დოკუმენტური სტუდიის ხელმძღვანელი კოტე ჯანდიერი
- კინომცოდნე ლელა ოჩიაური
- რეჟისორი დავით ჯანელიძე
კონკურსში მონაწილეობის მსურველებმა პირველ ეტაპზე (18 მარტიდან 25 მარტამდე) უნდა წარმოადგინონ:
1) ავტობიოგრაფია
2) ფილმოგრაფია
3) განათლების დამადასტურებელი მოწმობა (რეჟისორის დიპლომი)
4) ერთი ნამუშევრის (ფილმის) ელექტრონული ვერსია
მეორე ტურში გადასული კონკურსანტების ვინაობა გამოცხადდება 31 მარტს.
მეორე ტურის საკონკურსო პირობებია:
1) 12 ლიტერატურული სცენარიდან მინიმუმ ერთის და მაქსიმუმ სამის ამორჩევა
2) რეჟისორის ხედვის ჩამოყალიბება (2-3 გვერდზე)
3) სარეჟისორო სცენარის შექმნა (კადრირების თანხლებით)
4) საწარმოო პროცესის განრიგი (უშუალოდ გადაღებების) გაწერილი არაუმეტეს 10 გადაღებისა დღეზე
ნამუშევრების მიღების ბოლო ვადა არის 2016 წლის 22 აპრილი. გთხოვთ შეავსოთ აპლიკაცია.
კონკურსის საბოლოო შედეგები გამოცხადდება 2016 წლის 29 აპრილს.
გამოვლინდება ათი გამარჯვებული სარეჟისორო სცენარი, რომლის გადაღების ტექნიკურ და საორგანიზაციო მხარეს უზრუნველყოფს საზოგადოებრივი მაუწყებელი, ხოლო შერჩეულ რეჟისორებთან გაფორმდება საჰონორარო ხელშეკრულება 3 000 (სამი ათასი) ლარის ოდენობით.
მისამართი - კოსტავას ქ.68. საკონტაქტო ტელეფონი - 2 409 477.