თავდაცვის, შინაგან საქმეთა, სასჯელაღსრულების სამინისტროების, სახელმწიფო უსაფრთხოებისა და დაზვერვის სამსახურის, ასევე - სახელმწიფო დაცვის სპეციალური სამსახურის ქვედანაყოფების ტერიტორიაზე სპეციალური საარჩევნო უბნების შექმნა აიკრძალება.
ამასთან დაკავშირებით, მთავრობის საკნონმდებლო ინციაიტივა პარლამენტში დღეს დარეგისტრირდა.
კანონპროექტის თანახმად, ცვლილება შედის საარჩევნო კოდექსში, რაც დასახელებულ უწყებებში საარჩევნო უბნის შექმნის აკრძალვას ითვალისწინებს.
ამასთან, პროექტით კიდევ რამდენიმე ცვლილებაა გათვალისწინებული. კერძოდ, რეგულირდება გამონაკლის შემთხვევაში საარჩევნო უბნნის საკითხი მაგალითად პენიტიენცინალურ დაწესებულებაში, სათანოების სახლსა და საავადმყოებოებში.
ასევე ზუსტდება სპეციალურ საარჩევნო სიაში, შეყვანილ ამომრჩეველთა მაჟორიტარული და პროპორციული მონაწილეობის წესი.
კერძოდ, ცვლილების მიხედვით, პარლამენტის მაჟორიტარული სისტემით ჩატარებულ არჩევნებში, შესაბამის საარჩევნო ოლქში მონაწილეობას მიიღებს ის სამხედრო მოსამსახურე, რომელიც არჩევნების დღისთვის, ერთი წლით ან ერთ წელზე მეტი ვადით განთავსებულია დისლოკაციის ადგილზე. ან თუ იგი, ადგილსამყოფელს იცვლის, ერთი და იმავე საარჩევნო ოლქის ტერიტორიაზე.
