"რესპუბლიკური პარტია" კოალიცია ”ქართულ ოცნებაში” რჩება სტრატეგიული პარტნიორობის რეჟიმში, - ამის შესახებ საქართველოს პარლამენტის თავმჯდომარემ, დავით უსუფაშვილმა პრემიერ-მინისტრთან შეხვედრის დასრულების შემდეგ განაცხადა. მთავრობის ადმინისტრაციაში პრემიერისა და "რესპუბლიკელების" შეხვედრა ერთი საათის განმავლობაში მიმდინარეობდა.
მისივე თქმით, „მრეწველებთან“ დაკავშირებით განცხადებას თავად გიორგი კვირიკაშვილი გააკეთებს.
შეხვედრაში მონაწილეობდნენ - თინა ხიდაშელი, დავით უსუფაშვილი, ხათუნა სამნიძე და დავით ბერძენიშვილი.
შეხვედრა საქართველოს პრემიერ-მინისტრ გიორგი კვირიკაშვილის მიერ დღეს გავრცელებული საგანგებო განცხადების შემდეგ, თავდაცვის მინისტრისა და მისი თანაპარტიელების თხოვნით გადაწყდა.
