საქართველოში ადამიანები უნდა ვიყოთ იმ განცდით რომ ვართ დაცული, - ამის შესახებ განცხადებას პარლამენტის თავმჯდომარე დავით უსუფაშვილი, ალექსი პეტრიაშვილზე განხორციელებული თავდასხმის კომენტირებისას აკეთებს და მიიჩნევს, რომ დამნაშავეები კანონის მთელი სიმკაცრით უნდა დაისაჯონ.
"დამნაშავეები რაც შეიძლება სწრაფად უნდა გამოვლინდნენ და უნდა დაისაჯონ კანონის მთელი სიმკაცრით. კანონის მთელს სიმკაცრეზე ამ შემთხვევაში მე ყურადღებას ვამახვილებ, სრულიად შეგნებულად, იმიტომ, რომ ეს არის სასამართლოს და პროკურატურის საქმე, მაგრამ ჩვენ საზოგადოება, პარლამენტარები, როდესაც სისხლის სამართლის კოდექსში ვწერთ რაღაცას მუხლებს მერე ვსაზღრავთ სასჯელს, ვითვალისწინებთ იმას, რომ როდესაც დანაშაული ხდება განსაკუთრებით ისეთ საზოგადოებისადმი ადამიანებისადმი სიცოცხლისადმი კანონით დაცული სიკეთისადმი ასეთი უპატივცემულობით, ასეთ დროს სასჯელი უნდა იყოს მაქსიმალურად მკაცრი. მე დარწმუნებული ვარ რომ სამართალდამცავი ორგანოები ძალიან სწრაფად გაართმევენ თავიანთ მოვალეობას თავს. ეს არ არის ისეთი საკითხი და ისეთი თემა რომელიც უცებ ჩაივლის, იმიტომ, რომ ჩვენ ფართოდ უნდა შევხედოთ მსგავს საკითხებს და საქართველოში ადამიანები უნდა ვიყოთ იმ განცდით რომ ვართ დაცული",-განაცხადა დავით უსუფაშვილმა.
