მმართველი კოალიციის წევრი ზაქარია ქუცნაშვილი მიიჩნევს, რომ უმჯობესი იქნება თუ კოალიცია "ქართული ოცნება" საპარლამენტო არჩევნებზე ბლოკის სახით იქნება წარმოდგენილი.
,,ვფიქრობ, რომ ამ ეტაპზე სჯობს, რომ ენერგია და დრო დაიხარჯოს ბლოკის ფორმირებისას იდეოლოგიურ და პროგრამულ საკითხებზე, ვიდრე ყველამ ცალ-ცალკე იყაროს კენჭი და შემდეგ მოხდეს გაერთიანება. ეს ამომრჩეველში დატოვებს იმის განცდას, რომ ამა თუ იმ პოლიტიკურმა ჯგუფმა უღალატა ამომრჩეველს, სხვა რამეს ჰპირდებოდა და ძალაუფლების მოპოვებისთვის გაუერთიანდა "ქართულ ოცნებას"-განაცხადა დეპუტატმა.
მისივე თქმით, ქართველი ამომრჩეველი "კარდინალურ განსხვავებებს არის მიჩვეული“.
,,ჯერჯერობით ქართული პოლიტიკური სპექტრი და ამომრჩევლის კულტურა არ არის იმ დონეზე რომ ნიუანსური განსხვავება გახდეს არჩევანის საფუძველი”, - განაცხადა ქუცნაშვილმა.
