სააკაშვილი ამბობს, რომ ეს ხელისუფლება ლაზიკის და ანაკლიის პორტის პროექტს ვერ განახორციელებს, - ამის შესახებ მან გადაცემა ”განსხვავებული აქცენტებისთვის” მიცემულ ინტერვიუში ისაუბრა. მიზეზად კი ის დაასახელა, რომ მოქმედ ხელისუფლებას სწორი ხედვები არ გააჩნია.
"ჩვენი იდეა იყო ბევრად მეტი, ვიდრე პორტი და პორტის დროც გასულია," - ამბობს სააკაშვილი და ის სინგაპურის მაგალითს იხსენებს.
"სინგაპური თავის დროზე მეხუთე ფლოტმა განავითარა იმიტომ, რომ ტვირთების გადატანა სჭირდებოდა და სინგაპურმა ეს გამოიყენა. შემდეგ აზიაში დაიწყო მოძრაობები და მთელი ეს ნაკადები სინგაპურმა წამოიღო. მე იმიტომ ვაპირებდი ამ პროექტის 2013 წლის ბოლომდე დასრულებას, რომ ამ დროისთვის ავღანეთიდანმ ჯარი და ტექნიკა გამოდიდა. ყველაზე მომგებიანი ადგილი ეს იყო და ამ დროს მთელი ტვირთები წამოვიდოდა", - ამბობს სააკაშვილი და დასძენს, რომ მაშინ რუსეთ-უკრანის ურთიერთობების ასე დაძაბვას არ ელოდებოდა, მაგრამ ახლა უკვე არსებულ ვითარებაშიო ამ პორტის გამოყენება იქნებოდა შესაძლებელი. გარდა ამისა, ის მოქმედ ხელისუფლებას იმაშიც აკრიტიკებს, რომ პორტის აშენება ქალაქის გარეშე უნდათ, რადგან, მისი თქმით, "ქვეყნის განვითარება ურბანიზაციის გარეშე წარმოუდგენელია".
