ოდესის ოლქის გუბერნატორი, მიხეილ სააკაშვილი, ამბობს, რომ უკრაინაში პოლიტიკური პარტიის შექმნას არ გეგმავს, - ამის შესახებ მან გადაცემა “განსხვავებული აქცენტებისთვის” მიცემულ ინტერვიუში განაცხადა და ამის მიზეზებიც განმარტა.
"პარტიაზე ხალხს უარყოფითი დამოკიდებულება აქვს, რადგან ეს უკრაინაში ოლიგარქებთან ასოცირდება," - ამბობს სააკაშვილი.
სწორედ ამიტომ, ის გეგმავს, რომ შექმნას სახალხო მოძრაობა, როგორიც პოლონური “სოლიდარნოსტი” ან, თუნდაც, თავის დროზე საქართველოში “ნაციონალური მოძრაობა” იყო.
