1990-იანი წლების მერე ასეთი გაჭირვებული საზოგადოება არ ახსოვთ, - ამის შესახებ „ტავისუფალი დემოკრატების ლიდერმა ირაკლი ალასანიამ რუსთავში ე.წ. სტამბოლის ბაზრის მოვაჭრეებთან შეხვედრის შემდეგ განაცხადა.
„ყველა მეუბნება, რომ 1990-იანი წლების მერე ასეთი გაჭირვებული საზოგადოება არ ახსოვთ. პრაქტიკულად მყიდველი არ არის შემოსული. ეს იმას ნიშნავს, რომ ხალში ფული არ არის. მხოლოდ ერთი და იგივე ადამიანი აკეთებს 25 წლის განმავლობაში ფულს მთელს ქვეყანაში. ეს პრობლემები ჯაჭვივით არის აცმული და მთავრობა ერთმანეთის ჭამასა და გინებაში ხარჯავს დროს,“ - განაცხადა ირაკლი ალასანიამ.
ირაკლი ალასანიამ მოსახლეობას არსებული პრობლემები გამოკითხა.
მოვაჭრეების თქმით, მთავარი სირთულე მათთვის კლიენტების არარსებობა და ბოლო ორი წლის განმავლობაში თითქმის შეჩერებული ვაჭრობაა, რასაც თან გარემოვაჭრეების პრობლემა ერთვის.
თავისუფალი დემოკრატების ერთ-ერთი წინასაარჩევნო დაპირება, პარტიის ლიდერის თქმით, მცირე და საშუალო ბიზნესის ხელის შეწყობაა.
