ვითიბი ბანკსა და საქართველოს საწყლოსნო სახეობათა სპორტის ფედერაციას შორის შედგა შეთანხმება, რომლის თანახმად 2016 წლის განმავლობაში ბანკი რჩება ფედერაციის და წყალბურთის ეროვნული ნაკრების გენერალური სპონსორად. ხელშეკრულება, ერთ წლიან პარტნიორულ ურთიერთობას ითვალისწინებს. ამ პერიოდში, ვითიბი ბანკის მიერ განხორციელებული ფინანსური მხარდაჭერა, მოხმარდება სპორტსმენების საშეჯიბრო მომზადებას, ეკიპირებასა და საერთაშორისო ტურნირებში მონაწილეობას.
ვითიბი ბანკი უკვე მესამე წელია მხარს უჭერს საწყლოსნო სპორტის ფედერაციას. 2014 წლის ევროპის ჩემპიონატზე ვითიბი ბანკი წყალბურთის ეროვნული ნაკრების გენერალური სპონსორი იყო. ბანკის მხარდაჭერით, ნაკრები 12 საუკეთესო გუნდს შორის მოხვდა. ევროპის ჩემპიონატი ფაქტიურად მსოფლიო ჩემპიონატის ტოლფასია- წყალბურთის ყველაზე დიდი გრანდები ევროპული გუნდებია.
"ვითიბი ბანკი კვლავ აქტიურად აგრძელებს ქართული სპორტისა და კულტურის მხარდაჭერას, მოხარულები ვართ, რომ ჩვენი ბანკის მიერ განხორციელებულ სასპონსორო პროექტებს შორის საქართველოს წყალბურთის ნაკრებიც არის. წარმატებას უსურვებთ სპორტსმენებს და ვიმედოვნებთ, რომ ვითიბი ბანკის მხარდაჭერა მნიშვნელოვნად შეუწყობს ხელს წყალბურთის განვითარებას, წინსვლას და წარმატებას", - განაცხადა ვითიბი ბანკის ვიცე პრეზიდენტმა გიორგი ბარკალაიამ.
