პარლამენტის დარგობრივი ეკონომიკისა და ეკონომიკური პოლიტიკის კომიტეტმა პრეზიდენტის მიერ ეროვნული ბანკის საბჭოს წევრობის კანდიდატს მხარი დაუჭირა. ფარულ კენჭისყრაში კობა გვენეტაძის კანდიდატურას მხარი დაუჭირა 8 დეპუტატმა 1-ის წინააღმდეგ. შესაბამისად, გვენეტაძის კანდიდატურა პარლამენტის პლენარულ სხდომაზე იქნება გატანილი.
საქართველოს ეროვნული ბანკის პრეზიდენტს გიორგი ქადაგიძეს უფლებამოსილების ვადა მიმდინარე თვეში ეწურება.
