ტელეკომპანია „მაესტროს“ გადაყენებული დირექტორი ბაია გადაბაძე აცხადებს, რომ ტელევიზიაში გიორგი და ლევან გაჩეჩილაძეებს, როგორც ახალი მფლობელსა და გენერალურ დირექტორს შენობაში არ შეუშვებს.
„თუ სტუმრად მოვა გადაცემაში ან ჩემთან სალაპარაკოდ, ბუნებრივია, მას შემოუშვებენ, მაგრამ თუ ის შემოვა შენობაში ტელევიზიის სამართავად, შენობა მას არ ეკუთვნის და ეს იქნება უკანონო. იმედი მაქვს, რომ ამაზე ლევანი არ წავა“, - განაცხადა გაჩეჩილაძემ.
გადაბაძის თქმით, შენობა არხის ერთ-ერთი მეწილის მაკა ასათიანის კუთვნილებაა და მასში ტელევიზიის სამართავად გაჩეჩილაძეები ვერ შევლენ.
მისივე ინფორმაციით, საქმის დეტალების შესახებ დღეს დიპლომატიური კორპუსის წარმომადგენლებს ინფორმაციას მიაწვდის, დაგეგმილია შეხვედრა ჟურნალისტებთანაც.
