დღეს, 17 მაისს, "ეროვნული საბჭოს" ლიდერები თბილისში მაცხოვრებელ პენსიონერებს დაზღვევის საკუთარ პროგრამას გააცნობენ.
როგორც "ჯი-ეიჩ-ენს" საბჭოში განუცხადეს, ამ მიზნით დედაქალაქის მერობისა და საკრებულოს თავმჯდომარეობის კანდიდატები ზვიად ძიძიგური და კობა დავითაშვილი პენსიონერებს ამ წუთებში, წერეთლის გამზირზე მდებარე "სახალხო ბანკის" ოფისთან ხვდებიან.
"პენსიონერებს სადაზღვევო პროგრამას გავაცნობთ და ანკეტებს დავურიგებთ, რომელსაც ისინი შეავსებენ და საბჭოს ოფისში მოიტანენ. არჩევნებში გამარჯვების შემთხვევაში, თბილისში მაცხოვრებელ ყველა პენსიონერს სადაზღვევო პოლისები დაურიგდებათ", - განუცხადეს "ჯი-ეიჩ-ენს" "ეროვნულ საბჭოში".
აღსანიშნავია, რომ პენსიონერებთან შეხვედრის შემდეგ ზვიად ძიძიგური და კობა დავითაშვილი ეუთოს წარმომადგენლებთან გამართავენ შეხვედრას.
