„ქართული ოცნების“ საპარლამენტო კოალიციაში მრეწველები არ იქნებიან. „ჯი-ეიჩ-ენის“ ინფორმაციით, შესაბამისი გადაწყვეტილება კოალიციის არაფორმალურ ლიდერს, ბიძინა ივანიშვილს უკვე მიღებული აქვს.
მრეწველების ერთ-ერთი ლიდერის, ზურაბ ტყემელაძის რამდენიმე მცდელობის მიუხედავად, ვერ მოხერხდა ივანიშვილისა და თოფაძე-ტყემალაძის შეხვედრის ორგანიზება. „ჯი-ეიჩ-ენის“ ინფორმაციით, „მრეწველებმა“ უკვე დაიწყეს მოლაპარაკება ლეონიდ ჩერნოვეცკისთან, რათა არჩევნებზე „ბედნიერ საქართველოსთან“ ერთ კოალიციაში გავიდნენ.
შეგახსენებთ, რომ ბიძინა ივანიშვილი „ქართული ოცნების“ ახალი საპარლამენტო სიის ფორმირების დასრულებას თებერვლის ბოლოსთვის აპირებს. რაც შეეხება კოალიციას, ამ დრომდე უცნობია ამჟამიდელი კონფიგურაციის რომელი სუბიექტი რა კვოტით შემორჩება კოალიციას.
