საპარლამენტო უმრავლესობის დეპუტატის თამაზ მეჭიაურის განცხადებით, მას აქციის მონაწილისათვის ხელი არ გაურტყამს.
"არავისთვის ხელი არ დამირტყამს. რომელი რემბო მე მნახეთ. გგონიათ ამხელა აქციას ხელით მარტო მოვერეოდი? საჭეც არავის ეკავა და რა უნდოდათ ისიც არ ვიცი", - განუცხადა ჟურნალისტებს თამაზ მეჭიაურმა.
თბილისში, პარლამენტის შენობასთან მიმდინარე აქციაზე, სადაც საგზაო მოძრაობის წესებში შესატან ცვლილებებს აპროტესტებენ, ინციდენტი მოხდა.
კერძოდ, აქციაზე შეხლა-შემოხლა მოჰყვა საპარლამენტო უმრავლესობის დეპუტატის თამაზ მეჭიაურის გამოჩენას, როცა აქციის მონაწილეებმა სტვენა დაიწყეს. აქციის ერთ-ერთი მონაწილე ამტკიცებს, რომ დეპუტატმა მას სახეში ხელი გაარტყა.