საქართველოს პრემიერ-მინისტრი გიორგი კვირიკაშვილი მიიჩნევს, რომ პრეზიდენტის პარლამენტში გამოსვლა არ უნდა ხდებოდეს მითქმა-მოთქმის საგანი. აღნიშნულ საკითხზე საუბრისას მან ასევე განაცხადა, რომ ქვეყანაში არსებულმა ინსტიტუციებმა უნდა იმოქმედონ ისე, როგორც ინსტიტუციებს შეეფერებათ.
,, რაც შეეხება პრეზიდენტის გამოსვლას პარლამენტში, მე მგონია, რომ საერთოდ ეს საკითხები აღარ უნდა იყოს რაღაც მითქმა-მოთქმის და დღის მთავარი თემების საგანი. მე მგონია, რომ საქართველოში არსებობს ინსტიტუციები და მათ უნდა იმოქმედონ ისე, როგორც ინსტიტუციებს შეეფერება და აქ პიროვნული ურთიერთობები უნდა გადავდოთ გვერდზე. ვფიქრობ, ეს ასე უნდა იყოს. იმისთვის, რომ დავამშვიდოთ სიტუაცია, მაქსიმალურად დავწიოთ პოლიტიკური ტემპერატურა და კონცენტრირება მოვახდინოთ გაცილებით უფრო მნიშვნელოვან საკითხებზე“, - განაცხადა პრემიერმა.
საქართველოს პრეზიდენტი გიორგი მარგველაშვილი პარლამენტში თებერვალში უნდა წარსდგეს.