მასობრივი საპროტესტო აქციებისა და სოციალური უკმაყოფილების ფონზე აზერბაიჯანის ხელისუფლებამ ფქვილისა და პურის ფასი გაყინა. აზერბაიჯანის ეკონომიკის სამინისტროს განცხადებაში ნათქვამია, რომ 50 კილოგრამი ფქვილის ღირებულება 22 მანათსა და 50 გიაპიკს არ გადააჭარბებს, რაც 15 დოლარის ექვივალენტია, ნახევარკილოგრამიანი პური კი 30 გიაპიკი, დაახლოებით 19 ამერიკული ცენტი ეღირება. სოციალური უკმაყოფილება აზერბაიჯანში მას შემდეგ გაიზარდა, რაც ქვეყნის ეროვნული ვალუტა გაუფასურდა. საპროტესტო აქციები ბოლო 2 დღის განმავლობაში აზერბაიჯანის 5 რეგიონში გაიმართა.
