დღეს, 10 დეკემბერს, 14:30 საათზე, სატუმრო „ჰოლიდეი ინნ თბილისში“, "მეგზევის დღე" აღინიშნება.
ღონისძიების ფარგლებში გამართულ კონფერენციაზე გამომსვლელები მეგზევის დღის ტრადიციაზე, საგზაო სექტორის მიღწევებსა და პრობლემებზე ისაუბრებენ. საავტომობილო გზების დეპარტამენტის თავმჯდომარის მოვალეობის შემსრულებელი ნუგზარ გასვიანი საავტომობილო გზების დეპარტამენტის 2015 წლის შედეგებისა და მომავალი წლის გეგმების შესახებ პრეზენტაციას წარადგენს.
ღონისძიებას დაესწრებიან: საქართველოს მეგზევეთა საზოგადოების თავმჯდომარე თამაზ შილაკაძე, საქართველოს რეგიონული განვითარებისა და ინფრასტრუქტურის მინისტრი ნოდარ ჯავახიშვილი, საქართველოს საავტომობილო გზების დეპარტამენტის თვმჯდომარის მოვალეობის შემსრულებელი ნუგზარ გასვიანი, საგზაო დარგის წარმომადგენლები და სხვა მოწვეული სტუმრები.
ისტორიული ექსკურსი: მეგზევის დღის აღნიშნვას საფუძველი 48 წლის წინ, გიორგი რობიტაშვილმა ჩაუყარა (გიორგი რობიტაშვილი საგზაო დარგს 1939-1984 წლებში, 47 წლის მანძილზე ხელმძღვანელობდა). რეგიონების წარმომადგენლებთან ერთად წლის შედეგების შემაჯამებელმა შეხვედრებმა 1965 წლიდან ტრადიციის სახე მიიღო, 80-იანი წლებიდან კი ოფიციალურ პროფესიულ დღედ იქცა.
