პარლამენტის საპროცედურო საკითხთა კომიტეტის თავმჯდომარე გიორგი კახიანი მიიჩნევს, რომ უშიშროების საბჭოს სხდომას მმართველი გუნდის წარმომადგენლებიც უნდა დაესწრონ.
როგორც „ჯი-ეჩ-ენს“ კახიანმა განუცხადა, პრეზიდენტი უშიშროების საბჭოს ხელმძღვანელია, რომელიც მისი სათათბირო ორგანოა. შესაბამისად, პრეზიდენტს უფლება აქვს უშიშროების საბჭო სხდომა მოიწვიოს.
„ვფიქრობ, რომ უშიშროების საბჭოს ის თანამდებობის პირები უნდა დაესწრონ, რომლებიც უშიშროების საბჭოს შემადგენლობაში არიან. ამასთანავე, მნიშვნელოვანია ის, სხდომის მოწვევა როდის ხდება და ესა თუ ის თანამდებობის პირი იმყოფება თუ არა საქართველოში“, - განაცხადა კახიანმა.
პრეზიდენტ გიორგი მარგველაშვილმა პარიზში მომხდარი ტერორისტული აქტებიდან გამომდინარე უშიშროების საბჭოს სხდომა 4 დეკემბერს დანიშნა.
