უცხოური მედია მალის დედაქალაქში სასტუმრო Radisson-ში მძევლებს შორის მსხვერპლის შესახებ იტყობინება. ასევე ვრცელდება ინფორმაცია, რომ ტერორისტებმა ის მძევლები გაათავისუფლეს, რომლებმაც ყურანის ციტირება შეძლეს.
უკანასკნელი ცნობებით, ათმა ტერორისტმა გუშინდელი ღამე Radisson Blu-ში გაატარეს. დღეს დილით კი, მათ კიდევ ორი ტერორისტი შეუერთდათ, რომლებიც სასტუმროში დიპლომატიური მანქანით მივიდნენ. ვრცელდება ინფორმაცია 9 გარდაცვლილის და ათეულობით დაშავებულის შესახებ. სასტუმრო სამართალდამცავებით არის გარშემორტყმული. შენობიდან კი დროგამოშვებით სროლის ხმა ისმის.
რადიოსადგურ RTL-ის ცნობით, შემთხვევის ადგილისკენ საფრანგეთის ჯარი მიემართება.
