სენ-დენში ჩატარებული სპეცოპერაციის შედეგები ცნობილია. პოლიციამ ტერორიზმში ეჭვმიტანილი 3 პირი მოკლა, 7 კი დაკავებულია. ტერორისტებმა სპეცრაზმელებს შეიარაღებული წინააღმდეგობა გაუწიეს, რის შედეგადაც 5 სამართალდამცავი დაიჭრა. ერთ-ერთმა ტერორისტმა ქალმა თავი აიფეთქა. სპეცოპერაცია პარიზის გარეუბანში დილის 4.30-ზე დაიწყო. იმყოფებოდა თუ არა ტერორისტთა შორის პარიზის ტერაქტების მთავარი ფიგურანტი აბდელჰამიდ აბუაუდი, ჯერჯერობით უცნობია. პოლიციის ინფორმაციით, დაკავებულთაგან 2 ბინის მეპატრონეა, რომელსაც ტერორისტები აფარებდნენ თავს.
