პარიზის გარეუბანში ტერაქტებში ეჭვმიტანილი პირების დაკავების ოპერაცია ტარდება. სროლები სენ-დენის რაიონში ისმის. პოლიციელებს შორის არიან დაჭრილებიც. გავრცელებული ინფორმაციით, სამართალდამცავებმა ტერაქტებში ეჭვმიტანილი 3 პირი უკვე დააკავეს, სავარაუდოდ კიდევ 3 ტერორისტი კი ერთ-ერთ ბინაში ჰყავთ ბლოკირებული. მათი მთავარი სამიზნე პარიზის ტერაქტების მთავარი ორგანიზატორი აბდელ ჰამიდ აბუ ოუდია, რომელიც აქამდე სირიაში ეგონათ გაქცეული. გაზეთ ლე მონდის ინფორმაციით, სპეცოპერაციისას შესაძლოა 2 ტერორისტი დაღუპულიყო, რადიოსადგურ RTL-ის ცნობით კი სპეცოპერაციას 3 ეჭვმიტანილი, მათ შორის ერთი ქალი ემსხვერპლა, რომელმაც შაჰიდის ქამრის აფეთქება ვერ მოასწრო. ინფორმაცია მსხვერპლის შესახებ ოფიციალურად ჯერ არ დასტურდება.
