სიტყვის თავისუფლების დაცვა პოსტსაბჭოთა სივრცეში, არა მხოლოდ შიდასახელმწიფოებრივი, არამედ საერთაშორისო საქმეა. როდესაც რუსეთის ხელისუფლებამ დახურა დამოუკიდებელი ტელეარხები და ქვეყანაში რეალურად დაიწყო დიქტატორული რეჟიმის მშენებლობა, რომელიც ყოველდღიურად ემსგავსებოდა ჩრდილოეთ კორეას, ამან გავლენა იქონია არა მხოლოდ პოსტსაბჭოთა სივრცეზე, არამედ მსოფლიოზე, - აცხადებს უკრაინის იუსტიციის მინისტრის პირველი მოადგილე გია გეწაძე.
მისივე თქმით, როდესაც უკრაინაში იაკუნოვიჩის რეჟიმი ჟურნალისტებს დევნიდა, მათ საკუთარი საცხოვრებელი სახლების სადარბაზოებთან ელოდებოდნენ და სცემდნენ - ეს იყო საერთო პრობლემა და არა მხოლოდ უკრაინის.
„ძალიამ მტკივნეულია იმის ყურება, რაც ახლა ჩემს სამშობლოში ხდება. რუსი ოლიგარქი იმავე, ბანდიტური და მაფიოზური მეთოდებით ცდილობს სიტყვის თავისუფლების მოხრჩობას. აცხადებს გეწაძე და დასძენს, - „დარწმუნებული ვარ - რუსული სცენარი საქართველოში ვერ იმუშავებს, რადგანაც ქართველი ხალხი პირველ რიგში ძალიან დიდ პატივს სცემს საკუთარ თავისუფლებას და ზუსტად იცის, იმისათვის რომ აშენდეს სამართლებლივი სახელმწიფო მან ყოველდღიურად უნდა დაიცვას საკუთარი ფუნდამენტური უფლებები. ჩვენი ძალა ერთობაშია! საქართველო, საქართველო, საქართველო“.
