საქართველოს პრემიერ-მინისტრს ლიტველმა კოლეგამ ოფიციალურ ვახშამზე უმასპინძლა. ირაკლი ღარიბაშვილმა ალგირდას ბუტკე-ვიჩიუსს განსაკუთრებული მადლობა გადაუხადა მასპინძლობისა და იმ მხარდაჭერისთვის, რომელსაც ლიტვა საქართველოს ასოცირების ხელშეკრულებისა და ღრმა და ყოვლისმომცველი თავისუფალი სავაჭრო სივრცის შესახებ შეთანხმების განხორციელებისა და ვიზების ლიბერალიზაციის მიმართულებით უწევს. ოფიციალურ ვახშამზე საქართველოსა და ლიტვის პრემიერ-მინისტრებმა ლიტვაში საქართველოს საპატიო კონსულის დამადასტურებელი მოწმობა კაზიმირას მუსტეიკისს გადასცეს.
