რუსთავი 2-ის გენერალური დირექტორი ნიკა გვარამია აცხადებს, რომ ტელეკომპანიის სასამართლო განხილვებს, მინიმუმ არჩევნებამდე გაჭიმავენ.
მისი თქმით, ბიძინა ივანიშვილი ამ პროცესში უკვე დამარცხებულია.
,,მან იწვნია როგორც მორალური ზარალი ამ ყველაფრისგან - მისი რეპუტაცია განულებულია, დანგრეულია, მისი საერთაშორისო რეპუტაცია მიწასთან არის გასწორებული, მაგრამ ასევე, იწვნია პრაგმატული ზარალი საკონსტიტუციო სასამართლოს მეშვეობით. მას რეიდერული შემოვარდნა „რუსთავი 2“-ში არ გაუვიდა. მინიმუმ, არჩევნებამდე ჩვენ ამ პროცესებს აუცილებლად გავჭიმავთ. მერე კი, დარწმუნებული ვართ, ბიძინა ივანიშვილს ამ ქვეყანაში ვეღარ ვიხილავთ და „რუსთავი 2“-იც, სასამართლოც, თავისუფალი სიტყვაც და ქვეყანაში დემოკრატიაც იქნება უსაფრთხო, დემოკრატიული ძალების ხელში“, - განაცხადა ნიკა გვარამიამ.
