საქართველოს პრემიერ-მინისტრის ვიზიტი ესტონეთში გრძელდება. ირაკლი ღარიბაშვილი დღეს ესტონეთის პარლამენტის თავმჯდომარესა და პრეზიდენტს შეხვდება. მანამდე ტალინის ეთნოგრაფიულ მუზეუმში თბილისობისადმი მიძღვნილი ღონისძიება გაიმართა, რომელსაც საქართველოსა და ესტონეთის პრემიერ-მინისტრები, ესტონეთის პარლამენტის თავმჯდომარე და ორივე ქვეყნის მთავრობის წევრები დაესწრნენ. ტალინის ეთნოგრაფიულ მუზეუმში ფოტო და ქართული კულტურის ნიმუშების გამოფენაც მოეწყო. ღონისძიებაზე ქართული ღვინისა და კერძების დაგემოვნება ნებისმიერ მსურველს შეეძლო.
