ქალაქ თბილისის მუნიციპალიტეტის საკრებულოს იურიდიულ საკითხთა კომისიის თავმჯდომარემ - თედო კობახიძემ 2014 წლის აგვისტოდან მიმდინარე წლის 1 ნოემბრამდე გაწეული სამუშაოების შესახებ ანგარიში წარადგინა,.
წარდგენას ქალაქ თბილიის მოსახლეობა, აღმასრულებელი, საკანონმდებლო ხელისუფლებისა და უმაღლესი სასწავლებლების წარმომადგენლები, ასევე სხვადასხვა არასამთავრობო ორგანიზაციები ესწრებოდნენ. თედო კობახიძემ აღნიშნა, რომ იურიდიულ საკითხთა კომისიამ განვლილი პერიოდის განმავლობაში ჩაატარა 54 სხდომა და ჯამში ამ სხდომებზე განხილული იქნა 411 საკითხი. განიხილა 824 წერილი/განცხადება და ყველა მათგანზე კანონშესაბამისი რეაგიება მოახდინა. ასობით მოქალაქეს გაეწია ზეპირი იურიდიული კონსულტაცია.
თედო კობახიძემ, მისი ამ თანამდებობაზე დანიშვნის შემდგომ იურიდიულ საკითხთა კომისიაში განხორციელებულ ცვლილებებზე ისაუბრა, ხაზი გაუსვა სამართალშემოქმედებით სფეროში შეტანილ ცვლილებებსა და კომისიაში დანერგილი მანკიერი პრაქტიკის შეცვლას.
შეხვედრის დასასრულს თედო კობახიძემ დამსწრე საზოგადოებას იმ ღონისძიებებისა და გეგმების შესახებ გააცნო, რომლის განხორციელებასაც უახლოეს მომავალში გეგმავს.
შეხვედრა კითხვა-პასუხის რეჟიმის ფორმატში წარიმართა, თედო კობახიძემ დამსწრე საზოგადოების ყველა შეკითხვას ამომწურავი პასუხი გასცა და აღნიშნა, რომ მუდამ მზად არის მედიასსა და საზოგადოებასთან ურთიერთობისათვის.
