საქართველოს პრეზიდენტმა ავსტრიელ კოლეგას ჰაინც ფიშერს ავსტრიის რესპუბლიკის ეროვნული დღე მიულოცა.
„თქვენო აღმატებულებავ,
მოხარული ვარ გულითადად მოგილოცოთ ავსტრიის ეროვნული დღე.
სიხარულით მსურს გავიმეორო, რომ საქართველო დიდად აფასებს თქვენს ქვეყანასთან მეგობრული და ურთიერთსასარგებლო ურთიერთობის განვითარებას. მჯერა, რომ საქართველოსა და ავსტრიის რესპუბლიკას შორის არსებული ისტორიული კავშირი და მჭიდრო თანამშრომლობა კიდევ უფრო გაძლიერდება და გაღრმავდება ორივე ერის საკეთილდღეოდ.
ვსარგებლობ შემთხვევით და მსურს კიდევ ერთხელ მადლობა გადაგიხადოთ საქართველოს სუვერენიტეტისა და ტერიტორიული მთლიანობის, ასევე ჩემი ქვეყნის ევროპული მისწრაფების ურყევი მხარდაჭერისათვის.
თქვენო აღმატებულებავ, მინდა გამოვხატო ღრმა პატივისცემა თქვენ მიმართ და ვუსურვო მეგობარ ავსტრიელ ხალხს მშვიდობა და კეთილდღეობა“,- აღნიშნულია მილოცვის წერილში.