საქართველოს კათოლიკოს-პატრიარქი, უწმინდესი და უნეტარესი ილია მეორე ერს სიმშვიდისკენ მოუწოდებს.
სამების ტაძარში საკვირაო ქადაგებისას პატრიარქმა ბრძანა, რომ ერში და პოლიტიკურ პარტიებს შორის დაპირისპირებაა და საკითხები უნდა წყდებოდეს დარბაზებში.
"ჩვენ ვცხოვრობთ რთულ დროს, როცა მრავალი პრობლემაა. არის დაპირისპირება ერში, პოლიტიკურ პარტიებს შორის. მინდა ყველას ვთხოვო, რომ ამა თუ იმ საკითხის განხილვა არ უნდა იყოს ქუჩებში. დარბაზებში უნდა დავსხდეთ და ესა თუ ის საკითხი მშვიდად განვიხილოთ. ჩვენ უნდა გვქონდეს მოთმინება და სიმშვიდე, სადაც სიმშვიდე არ არის, იქ ჭეშმარიტება ვერ გაიმარჯვებს", - განაცხადა ილია მეორემ და დასძინა, რომ მტერი საქართველოს ვერაფერს დააკლებს, რადგან იგი ღვთისმშობლის წილხვედრია.
