რუსეთში საქართველოდან ჩატანილი 20 ტონა ამერიკული სალა დაწვეს. ამის შესახებ ინფორმაციას ,,როსსელხოზნადზორი" ავრცელებს.
უწყების წარმომადგენელი ალექსეი ხარინიო სააგენტო "ტასსთან" აცხადებს, რომ ომსკის ოლქში, რუსეთ-ყაზახეთის საზღვარზე 20 ტონა ამერიკული სალით დატვირთული სატრანსპორტო საშუალება შეამოწმეს, გაირკვა, რომ ტვირთზე მარკირება დატანილი არ იყო.
,,დოკუმენტების თანახმად, ამერიკული პროდუქცია ჯერ საქართველოში, შემდეგ კი ყაზახეთის ჩაიტანეს. პრობლემას ის ფაქტი ამწვავებს, რომ ამჟამად საქართველოდან რუსეთში ღორის პროდუქციის შემოტანა აკრძალულია, რადგან იქ ღორის აფრიკული ჭირია გავრცელებული. მარკირების არარსებობის გამო ტვირთის იდენტიფიცირება ვერ მოხერხდა, ამას დაემატა ისიც, რომ პროდუქცია საქართველოდან შემოიტანეს. ამიტომ, გადაწყდა პროდუქციის განადგურება", - განაცხადა ხარინმა. მისი ინფორმაციით, 20 ტონა ლორი სპეციალურ ღუმელში დაწვეს.
