დღეს, 3 მაისს, საქართველოს პირველი პრეზიდენტის, ზვიად გამსახურდიას ვაჟმა, ცოტნე გამსახურდიამ, პატიმართა და მსჯავრდებულთა სამკურნალო დაწესებულებაში უვადო შიმშილობა გამოაცხადა. როგორც "მრგვალი მაგიდის" პრესსამსახურში აცხადებენ, შიმშილობის მიზეზი სამი დღის წინ სამკურნალო დაწესებულებაში მომხდარი ფაქტი გახდა.
~30 აპრილს დაწესებულების დირექტორმა ბუთლიაშვილმა პატიმარ ტარიელ საყვარელიძეს სასტიკად სცემა. გამსახურდია ამ ფაქტს აპროტესტებს და მოითხოვს ადამიანის უფლებათა დამცველებმა, ადვოკატებმა, მონიტორინგის ჯგუფმა დაწესებულებაში არსებული სიტუაცია შეისწავლონ~, - აცხადებენ პრესსამსახურში.
გამსახურდია სამართალდამცველებმა 27 ოქტომბერს დააკავეს. მას მსჯავრი განზრახ მკვლელობის მცდელობაში და იარაღის უკანონო შეძენა-შენახვა-ტარებაში ედება, რის გამოც 9 წლითა და 5 თვით თავისუფლების აღკვეთა მიესაჯა.