საბერძნეთში დაკარგული როლანდ ჯინჭარაძე ათენის საავადმყოფოში იპოვეს. ამის შესახებ, ჟურნალისტებთან საქართველოს ელჩმა საბერძნეთში იოსებ ნანობაშვილმა „ქორთიარდ მარიოტში” მიმდინარე ,,ამბასადორიალზე” საკითხის კომენტირებისას განაცხადა.
,,პატიმარი გადაყვანილია საავადმყოფოში, მაგრამ არის ნაპოვნი, კონტროლის ქვეშაა და პროცესში საკონსულოა ჩართული“, - განაცხადა იოსებ ნანობაშვილმა.
მისივე თქმით, საკონსულოს როლანდ ჯინჭარაძის ოჯახთან აქტიური კავშირი აქვს.
შეგახსენებთ, რომ საბერძნეთში გაუჩინარებულ 25 წლის როლანდ ჯინჭარაძეს ოჯახი ერთი კვირის განმავლობაში ეძებდა. პატიმარი, რომელიც ათენის საავადმყოფოში ჯანმრთელობის მდგომარეობის გაუარესების გამო მოათავსეს ახლობლები ვერ პოულობდნენ.