” უფლებადამცველთა გაერთიანება”, ”ახალგაზრდა უფლებადამცველთა ასოციაცია” და რიგი არასამთავრობო ორგანიზაციები შეწყალების კომისიის რეფორმირებას ითხოვენ.
” აღნიშნულ საკითხთან მიმართებაში, თავად შეწყალების კომისიის ხელმძღვანელს და წევრებს ანალოგიური პოციზია აქვთ, რომ გარკვეული ცვლილებებია საჭირო. ვინაიდან ის წესი, რომლითაც ხდება შეწყალება იწვევს ციხეებში უკმაყოფილებას. არ შეიძლება როდესაც განსაკუთრებით მძიმე დანაშაულში მსჯავრდებული პირების შეწყალება ხდება და ნაკლებად მძიმე დანაშაულით მსჯავრდებულები წლებია ელოდებიან საკითხის განხილვასაც კი. შეწყალებებს აქვს შემდეგი სარჩული, რომ ეს ხდება პოლიტიკური ნიშნით.”, _ აცხადებს არასამთავრობო ორგანიზაცია „უფლებადამცველთა გაერთიანების" თავმჯდომარე ნიკოლოზ მჟავანაძე.
მისი თქმით, შეწყალების კომისიამ თითოეულ პირთან უნდა გაიაროს გარკვეული კონსულტაცია, მოხდეს გამოთხოვა საქმის სასჯელაღსრულების დაწესებულებიდან და გადაწყვეტილება იქნას დასაბუთებულად მიღებული.
როგორც ”ჯი-ეიჩ-ენს” ნიკოლოზ მჟავანაძემ განუმარტა შეწყალების საკითხი პატიმრების უკმაყოფილებას იწვევს. არ ემორჩილებიან დაწესებულების ხელმძღვანელობას. რამდენიმემ პროტესტის ნიშნად ვენები გადაიჭრა. ასევე იკვეთება თვითდაზიანების სხა სახის მცდელობებიც.