აშშ შესაძლოა ერაყის სახმელეთო ოპერაციებშიც ჩაერთოს. ამ ინიციატივით თეთრი სახლის ადმინისტრაციას სახმელეთო ჯარების შტაბის მეთაურმა რეიმონდ ოდიერნომ მიმართა. მისი თქმით, თუ ბაღდადი ისლამურ სახელმწიფოსთან ბრძოლაში წარმატებას ვერ მიაღწევს, ვაშინგტონი ერაყისთვის სახმელეთო ძალებით დახმარებაზე უნდა დაფიქრდეს. როგორც ოდიერნო აცხადებს, აშშ-მ ჯიჰადისტებთან ბრძოლაში არა ძირითადი, არამედ დამხმარე ძალის როლი უნდა შეასრულოს.