მსურს თბილისელებს მივმართო, რომ არ აყვნენ ნაციონალური მოძრაობის პროვოკაციას, თითქოს ბავშვებს ამორიცხავენ ბაღებიდან და სკოლებშიც არ მიიღებენ.
ეს არის წმინდა წყლის სპეკულაცია, რომელიც სწორედ ნაციონალური მოძრაობისგან ითხოვს ახსნა-განმარტებების მოსმენას. მაგალითად, რატომ გახადეს საჯარო ბაღები ფასიანი? რატომ დაუხურეს ბავშვებს არა ერთი, ორი ან სამი, არამედ 50-მდე ბაღი? იქნებ იმიტომ, რომ კიევის ქუჩაზე მდებარე 132-ე ბაგა-ბაღში ნაციონალური მოძრაობის ოფისი უნდა განთავსებულიყო და რომელშიც ახლა რემონტი მიმდინარეობს და სექტემბერში ის ასობით ბავშვს მიიღებს.
ამ ბრიფინგების მიზანიც სწორედ ის არის, რომ გადაფარონ ბაღებში ბავშვების რეგისტრაციასთან დაკავშირებით არსებითად მნიშვნელვანი წესი, რომელიც გუშინ კომისიამ განიხილა.
აქამდე ერთპიროვნულად და „გუნება-განწყობით“ წყვეტდა მერია ბავშვების ყოველწლიურ რეგისტრაციის პირობებს.
ჩვენ კი შევიმუშავეთ ერთიანი წესი, რომელიც ყველაზე მეტად სჭირდება თბილისის მოსახლეობას, ოჯახებს რომელბიც ყველაზე ძლიერ საჭიროებენ უფასო საჯარო ბაღში ბავშვების მიყვანას. ამ წესს კომისია საკრებულოს შემდეგ სხდომაზე გამოიტანს.
ეს პრიორიტეტებია:
- 100 000-ზე ქვევით სარეიტინგო ქულის მქონე ოჯახის ბავშვები,
- სსიპ სახელმწიფო ზრუნვის სააგენტოს ფილიალის ჩვილ ბავშვთა სახლის აღსაზრდელები;
- სპეციალური საგანმანათლებლო საჭიროების მქონე ბავშვები;
- იმ ოჯახის ბავშები რომელთა შვილები სარგებლობენ იმავე ბაღით.
სინამდვილეში, ქართული ოცნების დამსახურებით, ბაგა-ბაღების მომსახურება გახდა უფასო. კანონით აიკრძალა სკოლამდელი აღზრდის საჯარო დაწესებულებებში გადასახდელების დაწესება.
ადგილობრივი თვითმმართველობის არჩევნების შემდეგ, ერთ წელზე ნაკლებ დროში ჩვენ შევძელით ბაგა-ბაღებით მოსარგებლე ბევშვების რაოდენობის 4000 აღსაზრდელით გაზრდა.
დამატებით, მიმდინარე წლის ბიუჯეტით შენდება 10-მდე ახალი ბაღი, მათგან 4 წლის ბოლომდე ექსპლოატაციაში შევა. ასევე რემონტდება და ადაპტირდება ნაციონალური მოძრაობის მიერ დახურული ბაღები. ეს ყოველივე საშუალებას მოგვცემს წლის ბოლომდე გავაორმაგოთ ბაგა-ბაღებში მისაღები ადგილების რაოდენობა, ხოლო სექტემბრის თვისთვის ჩვენი ბაგა-ბაღები მოემსახურებიან 54000-მდე აღსაზრდელს.
