ინდოეთში გაუსაძლის სიცხეს ათასამდე ადამიანი ემსხვერპლა. ჰაერის ტემპერატურამ ქვეყნის სამხრეთ რაიონებში 50 გრადუსს მიაღწია. ყველაზე მძიმე მდგომარეობაში აღმოჩნდა დასავლეთ ბენგალიის, ტალანგანისა და ორისის შტატები. ხელისუფლება ადგილობრივ მცხოვრებლებს სახლებიდან გამოსვლისგან თავის შეკავებას ურჩევს. სინოპტიკოსთა ვარაუდით ჰაერის ტემპერატურა სამხრეთ ინდოეთში კვირის ბოლოდან დაიწევს.
