ერაყის არმიას ისლამისტებთან ბრძოლის სურვილი არ აქვს. ამის შესახებ ამერიკის თავდაცვის მდივანმა ეშტონ კარტერმა განაცხადა. მისივე თქმით, რამადიდან ერაყის რეგულარული ნაწილების მიერ უკან დახევა სწორედ იმაზე მეტყველებს, რომ ისინი ისლამურ სახელმწიფოსთან ბრძოლაში დიდ ენთუზიაზმს არ იჩენენ. კარტერის განცხადებას უკვე გამოეხმაურა ერაყის პრემიერ-მინისტრი. ჰაიდერ აბადის მტკიცებით, ერაყის არმია რამადის ჯიჰადისტთა კონტროლისგან რამდენიმე დღეში გაათავისუფლებს.
