აშშ სახელმწიფო დეპარტამენტმა ყოფილი სახელმწიფო მდივნის, ჰილარი კლინტონის ელექტრონული მიმოწერა გამოაქვეყნა. პრეზიდენტობის კანდიდატს სამუშაო მიმოწერისთვის პირადი ელექტრონული ფოსტის გამოყენებაში ადანაშაულებდნენ, რაც ამერიკული კანონმდებლობით აკრძალულია. კლინტონი ბრალდებას კატეგორიულად უარყოფდა და აცხადებდა, რომ მიმოწერა არანაირ საიდუმლო ხასიათს არ ატარებდა. ელექტრონული წერილების საერთო რაოდენობა 55 ათასს შეადგენს. სახელმწიფო დეპარტამენტმა მათი ერთი ნაწილი გაასაჯაროვა.
