გერმანიას რუსეთის წინაშე ისტორიული პასუხისმგებლობა აქვს იმ დანაშაულის გამო, რაც მეორე მსოფლიო ომში იქნა ჩადენილი. ამის შესახებ გერმანიის ყოფილმა კანცლერმა გამოცემა "ბილდისთვის" მიცემულ ინტერვიუში განაცხადა. "გერმანიამ განუზომელი ზარალი და ტანჯვა მიაყენა ყოფილ საბჭოთა კავშირს. ამიტომ, მე რომ მოქმედი კანცლერი ვყოფილიყავი, მოსკოვში ფაშიზმზე გამარჯვების 70-ე წლისთავისადმი მიძღვნილ ღონისძიებებს დავესწრებოდი. რაც შეეხება ქალბატონ მერკელს, ის საერთაშორისო საზოგადოების აზრის გათვალისწინებით, რუსეთის დედაქალაქს არა 9, არამედ 10 მაისს სტუმრობდა. მან მეორე მსოფლიო ომში დაღუპულთა მემორიალი რუსეთის პრეზიდენტთან ერთად გვირგვინით შეამკო, რაც ასევე კარგი სიგნალი იყო რუსულ-გერმანული ურთიერთობისთვის,"-აღნიშნა გერჰარდ შროდერმა.
