8 მაისს საქართველოს საგანგებო და სრულუფლებიანი ელჩი აშშ-ში არჩილ გეგეშიძე დაესწრო ევროპაში მოკავშირეთა გამარჯვების 70-ე წლისთავის აღსანიშნავ ღონისძიებას, რომელიც მეორე მსოფლიო ომის მემორიალთან გაიმართა. ღონისძიებაზე მიწვეულნი იყვნენ აშშ-ის ევროპელ მოკავშირეთა საელჩოების წარმომადგენლები.
შეკრებილ დიპლომატიურ კორპუსსა და ვეტერანებს სიტყვით მიმართა აშშ-ის პრეზიდენტის მრჩეველმა უსაფრთხოების საკითხებში სიუზან რაისმა. დამსწრე საზოგადოებას წაუკითხეს ყოფილი სახელმწიფო მდივნის, მადლენ ოლბრაიტის მიმართვა. ცერემონიას ესწრებოდნენ სენატორი უორნერი და ყოფილი სენატორი დოული.
საქართველოს ელჩმა გვირგვინით შეამკო მეორე მსოფლიო ომის მემორიალი. ცერემონია მეორე მსოფლიო ომში მონაწილე სამხედრო თვითმფრინავების საზეიმო გადაფრენით დასრულდა.
