პრემიერ-მინისტრი ირაკლი ღარიბაშვილი ყოფილი სახელისუფლებო გუნდის წევრებს მოუწოდებს, მოსახლეობას ჰკითხონ - არიან თუ არა ახალაია, მერაბიშვილი, უგულავა და სხვები პოლიტიკური პატიმრები.
„რომელ ქვეყანაში არ გამოძიებდნენ ისეთ მძიმე დანაშაულებებს, როგორიც არის გირგვლიანის, რობაქიძის მკვლელობები? უგულავას მიერ 60 მილიონი ლარის გაფლანგვას? ამ თემასთან დაკავშირებით ყველამ კარგად იცის ყველაფერი. პასუხი ხალხმა გაგცათ 2012 წლის პირველ ოქტომბერს, იმ მძიმე დანაშაულებებზე, რომლებიც ჩადენილი იყო ახალაიას, მერაბიშვილის, უგულავას დროს“, - განაცხადა პრემიერმა.
მან ასევე გააკრიტიკა, „ერთიანი ნაციონალური მოძრაობის“ დეპუტატები იმის გამო, რომ ბევრს მუშაობენ ქვეყნის იმიჯის დაზიანებაზე.
„მაგრამ ეს ყველაფერი დროებითია. თქვენ დემაგოგიას ხალხი არ უსმენს და არავის სჯერა, ყველამ კარგად იცის, ვინ არის პოლიტიკური დევნილი და ვინ მოხვდა სწორედ სამართლიანობის აღდგენის პროცესში, პროცესი არის გამჭვირვალე“, - განაცხადა ირაკლი ღარიბაშვილმა.
პარლამენტის რიგგარეშე სხდომაზე, დღეს, განახლებულ მთავრობას ნდობა უნდა გამოუცხადონ.
